消委會10款近期跌價較大商品！零食/牙膏/洗頭水上榜 最多下跌4成
【消委會】消費者委員會（下稱「消委會」）公開本地超級市場、生活百貨店及食品店的商品價格比較，並列出近30日跌價較多的貨品，包括港人常用的調味醬料、牙膏、零食、飲品等。記者整合以下10款近期跌價最多的貨品，即睇吓自己有冇買貴到！
香港百物騰貴，加上疫情下收入不穩，不少打工仔都會慳得就慳。消委會比較本港8間商戶的商品價錢，包括惠康超市、百佳、Market Place by Jasons、AEON、萬寧、屈臣氏及大昌食品專門店，即睇截至3月11日，近30天內跌價較多的10款商品！
消委會｜跌價最多商品【10】花王 Kao Essential水漾防毛燥洗髮露（700毫升）
花王這款洗髮露近30天價錢跌幅約3成，平均價錢下調$18，單件貨品價錢最低$44.9，最高$59.9/件。
消委會｜跌價最多商品【9】瑞士蓮 Lindt 白朱古力 Swiss Classic White（100克）
瑞士蓮 Lindt 白朱古力近30天價錢跌幅約3成，平均價錢下調$8.6，其中AEON由$28.9/件減價至$19.9/件。
消委會｜跌價最多商品【8】地捫 Del Monte茄汁（340克）
下廚經常用到的地捫茄汁，近30天價錢跌幅約3成半，價錢平均下跌$2.6。AEON近期售價最平$5；Market Place by Jasons單件售價$12，買2件$14，平均每件$7，比AEON貴$2。
消委會｜跌價最多商品【7】
Nonio無口氣牙膏近30天價錢跌幅約3成4，價錢平均下跌$10.4。Market Place by Jasons單件售價$34/件；而百佳和萬寧則售$19.9/件。
消委會｜跌價最多商品【6】露得清 Neutrogena 沐浴露（32安士/946毫升）
沐浴露同樣是不少家庭的每日必需品，這款Neutrogena沐浴露近30天價錢跌幅約3成8，而平均價錢則下跌超過$68！ 近30天價錢最平$99/件，而單件貨品最貴售價則可以達到$195/件，差異頗大。
最高價 $ 195.00
消委會｜跌價最多商品【5】吉百利 CadburyDairy Milk 朱古力（牛奶 180克）
想食朱古力補充糖分，這款吉百利牛奶朱古力近30天價錢跌幅約3成9，平均價錢下跌約$13。Market Place by Jasons售價一度高達$38/件，百佳則低至$19.9/件。
消委會｜跌價最多商品【4】柔麗 Softlan 超濃縮衣物柔順劑（消毒防噏味陽光清香配方1公升）
疫情下經常需要清洗衣物，這款濃縮衣物柔順劑近30天價錢跌幅約4成2，平均價錢下跌超過$13。Market Place by Jasons售價最平，每件$19；百佳售價則為每件$23.9。
消委會｜跌價最多商品【3】多芬 Dove 柔嫩潔膚塊 100克
Dove柔嫩潔膚塊近30天價錢跌幅約4成2，百佳價錢平均下調$5.9，價錢最平$8/件。
消委會｜跌價最多商品【2】特趣 Twix 曲奇朱古力條
這款曲奇朱古力條近30天價錢平均下跌超過4成3。最低價和最高價均由Market Place by Jasons包辦，近30天價錢最平為$8/件，售價最貴可達到$11.3/件。
消委會｜跌價最多商品【1】士力架 Snickers 花生朱古力 51克
這款士力架花生朱古力跌價最多，Market Place by Jasons的售價平均下調$4.84，跌幅超過4成4，近30天售價最便宜為$6/件。