林宣妤李澤楷傳出緋聞 丁子朗：假設性問題到時先算啦

丁子朗今日（22/7）現身電視城出席《2020東京奧運會》拜神儀式。提到緋聞女友林宣妤透過楊紫瓊穿針引線下，成為李澤楷新開娛樂公司旗下藝人，以進軍國際為目標。子朗表示：「佢簽咗新公司係一個非常之好嘅發展，作為朋友係非常支持佢嘅。（佢簽之前有冇問你意見？）我冇咁嘅能耐，亦冇咁嘅資格講，有咩就問返佢啦。（你哋感情有變？）你問吓佢啦，大家專心工作。（你有包袱！）唔關事，我再講就會畀人鬧。（佢而家喺香港？）如果你有留意佢IG動向，佢而家應該喺香港嘅。（如果佢同李生拍拖會否祝福佢哋？）假設性問題到時先算啦！而家就好難講嘅。」