陳家樂透露婚期籌備進度佳 爆連詩雅減肥走火入魔：佢話自己好肥
撰文：趙允琳
出版：更新：
陳家樂將於下月24日與連詩雅舉辦婚禮，今日（19日）他現身沙田馬場透露現時的籌備進度都已經七七八八，兄弟方面有朱柏康、岑珈其和衛詩雅，姊妹方面暫時得知有黃翠如和陳自瑤：「不過好似話有機會因為工作問題未必到到，所以都仲安排緊！」
陳家樂春風滿面現身馬場。（葉志明 攝）
他又透露Shiga為了大日子努力減肥中，更形容她現時的狀態簡直「走火入魔」：「其實我不嬲都叫佢唔使減，我覺得佢本身已經太瘦，我由（拍拖）第一日已經話佢太瘦，我屋企人都有叫佢唔好減，但佢每次試完婚紗返到嚟都唔開心，係咁話自己好肥，係咁話要再減，咁我都迫唔到佢。」
陳家樂透露連詩雅減肥減到走火入魔，自己都迫於無奈要跟住減。（葉志明 攝）