巴士大叔拒讓少女落車掀熱議 古佩玲疑曾遭非禮 :感覺屁股有嘢

撰文:吳子生
出版:更新:

日前本港社交平台瘋傳一段阿叔大鬧城巴的影片,有大叔坐正少女隔離座,少女欲下車竟堅拒放行,還發狂鬧喊少女,事件驚動司機上前干預,大叔反駁說:「佢驚咩啫,驚我非禮佢?我都唔怕畀佢撞,我點解要就佢」,引起網民不滿,直斥大叔色心起,有意搏大霧借機抽水。

Kelly今日出席劇集宣傳活動。(陳順禎攝)

古佩玲(Kelly)今日(21/3)現身電視城出席無綫(TVB)處境喜劇《愛·回家之開心速遞》宣傳造勢活動,她就事件接受《香港01》訪問時說:「我作為女仔,我係會覺得尷尬,因為巴士座位之間通道係好狹窄,如果女仔攝住過,就會有機會有肌膚之親,可能會有啲唔舒服,如果能夠讓一讓嘅話,可能另一個人行出嚟會舒服啲。(你鍾唔鍾意被人掂?)我唔鍾意。就好似我咁,平時搭𨋢嘅時候,人多擠迫時,有人要出嘅時候,我都會方便大家自己先行出𨋢,然後讓後面嘅人多啲空間行出去,避免不必要嘅身體接觸。(為免惹人誤會有意非禮,大叔選擇讓一讓會比較好?)肯定係啦!不過伯伯當時係唔係唔舒服,所以唔讓?呢個問題條片又睇唔到有。」

Kelly就事件接受訪問。(陳順禎攝)

Kelly亦透露曾搭乘巴士時,在人多擠迫情況下,疑遭人借機非禮:「其實嗰次喺企企吓,我係間唔中係會感覺到後面屁股好似有啲嘢,但我又唔知係咪因為人多,佢唔小心咁刮到我,變咗當時我係會有疑惑,究竟啱啱發生緊咩事呢?不過如果我確實對方企圖非禮我,我一定會出聲,然後報警,我係唔會因為怕尷尬而唔出聲。」

Kelly透露曾搭巴士時,在人多擠迫情況下,疑遭人借機非禮。(陳順禎攝)
+3