張致恒疑被追債後現身開平酒吧　暴脹幾個碼唔見頸落力跳唱搵真銀

張致恒（Steven）和老婆區燕雯（雯雯）育有3子，一家生活拮据，夫妻屢傳離婚。雯雯更從不隱瞞經濟困難，曾自爆兒子沒有錢搭車上學，又暗指張致恒欠債纍纍稱：「「我喺呢度講多最後一次，要追數嘅，搵番問你借錢嘅人……我𠵱家只係得命一條，我每1秒，只係希望有奶粉、有飯錢！」對此，不少網民都非常心疼二人的3名兒子，更指張致恒是渣男的最高境界。

日前，有內地網民就爆出張致恒目前身在開平酒吧演出，積極搵銀！影片可見，張致恒在台上大唱Boy'z的經典歌《La La 世界》，脹了幾個碼的他不停扭動身軀，又與台下觀眾握手，非常落力！不少網民都勸他要對家庭負責，紛紛留言：「生性啲」、「勤力返就好」、「百貨應百客」和「連減肥都懶？」等等。