何超儀繼「犀利哥」後另一新妝登場 「熊貓眼」現身放映會超爆趣

撰文:程嵐風
出版:更新:

已故賭王何鴻燊二房千金何超儀(Josie)近年的妝容屢成話題,繼在ViuTV的選美真人騷《肥美人》擔任主評審的「阿梅」妝之後,在《紐約亞洲電影節》的「犀利哥」造型亦令人印象難忘,難得超儀完全唔介意,指感覺好得意,還笑說:「益咗我,當日喺電影節全場最瘦係我,我又露肉。哈哈!」

何超儀與英國導演Bizhan Tong合照。(ig@bizhantong)
近鏡睇真啲,何超儀嘅新登場「熊貓眼妝」,同「犀利哥」造型一樣咁「得意」。(ig@bizhantong)

近年集中火力發展海外市場的超儀,日前為宣傳電影《HABIT》現身英國放映會的答問環節,再有新眼妝造型登場。英國導演Bizhan Tong日前在IG story分享與超儀一張合照,見超儀全黑打扮,黑帽、黑長褸和黑色厚底鞋,但重點還是落在她的妝容上,今次捨棄濃妝艷抹,沒有胭脂和只用淡色唇膏,而上下兩行超黑眼影就成為焦點,十足畫了熊貓眼一樣,即時由「犀利哥」變「功夫熊貓」,造型上一樣咁「得意」!

而Bizhan Tong早前在港亦引來一陣小風波,去年突然事先張揚會跟人氣王Anson Lo盧瀚霆、李施嬅、陳瀅、張繼聰等多個亞洲地區的著名演員開拍一部喪屍電影《重慶大廈》《Chungking Mansions》,他被指過去曾多次以類似手法宣傳即將有大製作,不過最後都唔成事。