林盛斌為「美國樓后」覓男友：佢有過百間屋收租

曾表示「我喜歡撮合身邊的好男仔及好女仔。」嘅林盛斌（Bob），近年成功撮合多對圈中朋友。今日(30日）Bob在IG發文，拍自己本身相約女性友人Bonnie了解美國靚屋筍盤，結果被對方反問有何男仔筍盤，原因係最近甩咗拖。Bob隨即列出Bonnie的背景，她原來是美國房地產投資Capstone 72嘅CEO胡寶兒(Bonnie)，在美國有超過100間物業，Bob寫明「所以有時可能會飛來飛去，未必成日陪到你，希望你唔好介意。有邊位男士有興趣想認識吓佢？留言啦。」

Bob接受訪問時表示得知對方剛甩拖，於是順手宣傳一下，雖然成功撮合多對好友，但他並未有因而打算開婚姻介紹公司，就連有婚姻介紹行業想找他合作，他亦不感興趣，事關他只想介紹自己認識嘅朋友畀單身朋友認識。Bob又指每個人都有可愛同吸引人嘅地方，如果真心想結識另一半，平日應該多出席朋友聚會。至於他早前表至為41歲嘅胡定欣脫單為目標，雖然至今仍未有聲氣，但已在努力當中。