姜濤曾要求公司雪藏自己 鼓起勇氣先睇叱咤:同大家一樣我好難捱

撰文:林得懿
出版:更新:
姜濤以「插班生」形容新歌《Dummy》 ,並透露錄音過程進行了很長時間。不過,姜濤話之後的歌會比較輕鬆。

姜濤日前推出新歌《Dummy》,今日(31日)他接台商台節目《叱咤樂壇》訪問時,透露原來年初在叱咤頒獎禮表演後,曾打算一年唔出歌。「通常一落台都會flash back自己嘅表演,但已經覺得有啲唔對路,不過冇諗過個報道海量式,都算係自己呢5年最deep一段時期。」姜濤表示雖然冇刻意收埋自己,但有同公司要求停工:「我話『不如你雪我』,因為都希望有時間去思考番啲嘢,因為前幾年無論係MIRROR定自己都衝得太快,太多嘢太快得到會好易迷失。」

姜濤認為西九音樂節他人生中最重要一次的演出。(資料圖片)

沉澱期間,姜濤表示在MIRROR兄弟面前扮冇事,而他亦感謝大家「對我嗰種唔使出聲嘅關心」,而公司管理層亦深明他的性格,所以未有多言。姜濤在二、三月時收到花姐通知今年將會舉行個人演唱會以及有西九(四月)演出,當下他曾想過拒絕。「好快覺得唔應該逃避,所以西九係拎晒自己學嘅嘢去博一次,而第一首確定要唱嘅係《鏡中鏡》。」

姜濤表示受傷後,醫生曾向他表示「你之後未必跳到舞」,情況並不樂觀。而在康復期,他本身需要靜養,但他竟然偷落街跑步,十分大膽。如今腳的康復程度比預期中好。(ig圖片)

訪問中,姜濤提到平時一定會睇返自己演出,但叱咤頒獎禮後,他已經唔夠膽睇自己當晚的演出。「有日扚起心肝,開咗電視,我屋企電視仲要好大,企喺最近位置。我一定要搞清楚發生咩事,我唔可以去逃避。我不嬲有本簿仔寫下表演好同唔好,例如擺手幅度,但嗰排真係唔夠膽,但我都覺得一定要做返呢件事。最後開電視睇,捱過咗嗰三分鐘,同大家一樣,我都好難捱,但睇完之後真係『哇』。不過唔緊要,發生咩事情逐一解決,首先係減肥。」姜濤曾自問有否後悔出演西九音樂會,但他至今仍是無悔,並謂:「每一個藝術者最想表達最真實情緒,從而令觀眾得到共嗚。而我當時係想表達受傷之前的憤怒,想證明嘅急切心態,所以唔後悔,只不過我唔成熟、脫離表演本質嘅方式去做。」

姜濤亦有透露演唱會的進度,並希望大家到時可以見到不一樣的演唱會。(資料圖片)

姜濤透露《Dummy》中的笑聲部分,是在錄音過程中臨時加入的。「唔只大家想自,自己內心都想笑自己。係諷刺、流著淚地笑。錄音時都有眼濕濕,笑到最後都難過,講真發生咁嘅事情必個會唔難過,所以自己笑到最後都有啲傷心。」姜濤表示如今已經完成釋懷,並指每件事都有兩面,又寄語年輕人不要只看一面,事關如果能夠睇到壞事情背後的意義,一定會有進步,而他亦希望自己可以永遠保持正面的心態。姜濤又透露在沉澱期間,看不了少心靈雞湯以及好與壞的評論。「人哋對你嘅任何攻擊,你覺得係用石頭丟自己,但可能分分鐘丟嘅唔係石頭而係金,所以你哋鬧我嘅任何嘢,我都當係金。」

叱咤頒獎禮後,令姜濤陷入了低潮。(資料圖片)