【三個傻佬學煮餸．老婆下戰書】少油高纖糯米飯，生炒攻略
撰文：馬傑偉、Jim、Jeffrey
出版：更新：
三個靚太下戰書，挑戰三儍功架！
Eric 抽簽——生炒糯米飯！唉！大鑊～！
Sticky rice 出名難炒，Eric 未炒過，死梗喎！（作者提供圖片）
Sticky rice 出名難炒，黐身黐勢，Eric 未炒過，死梗喎！
上網一搜，周街都係，各師各法，跟邊個呢？
Eric 把心一橫，自己糯米自已炒！一日之前，先浸水過夜，試炒一鑊。但心急，加水太多，黐埋一舊 。現場再炒，冇乜把握。Jim & Jeffrey 食花生等睇戲，仲話，Eric 會唔會炒出嚟一隻濕水糯米雞？
Eric 唯有諗計應付挑戰。
戰略 #1：走健康路線，棄用臘肉臘腸，改用西芹粟米，色彩鮮明，少油高纖。
走健康路線，棄用臘肉臘腸，改用西芹粟米。（作者提供圖片）
戰略 #2：沒有臘腸膶腸吊味，何來味道？Eric 想出一條好橋，啱哂住家師奶：平日家常中湯，不多不少會飲剩；今次Eric 就用雪櫃啲木瓜豬展湯，代替清水炒飯，令隔夜湯的清甜味，煮進米飯之中。此外，味道還從豆腐乾、蝦乾、瑤柱而來，不靠油淋淋嘅臘味。
用木瓜豬展湯代替清水炒飯，令隔夜湯的清甜味，煮進米飯之中。（作者提供圖片）
戰略 #3：Eric 有個博士研究生，係師奶廚神，佢有一番妙論：烹飪其實係 physics & chemistry！Physics 也者，邊炒邊下湯，湯要熱，以保持炒糯米時穩定的熱力。Chemistry 呢，就係炒之前，用熱水浸半小時，米索夠水之後，用冷水將糯米表面 sticky 嘅物質，洗至爽身，晾乾先炒，就可以粒粒分開。最後加甜豉油上色，就似模似樣嘞。
邊炒邊下湯，湯要熱，以保持炒糯米時穩定的熱力。（作者提供圖片）
烹飪其實係 physics & chemistry！（作者提供圖片）
以上都是理論，Eric 自已都唔知 work 唔 work，Jim & Jeffrey 亦唔知 Eric 條友係咪大隻講！
實戰如何？睇片啦！
（作者提供圖片）
（文章純屬作者意見，不代表香港01立場。）