【港女講感情】許志安揀同鄭秀文同月受洗　行前一步走入對方世界

變幻原是永恆！
2011年12月17日安仔正式受洗成為真正基督徒，與Sammi一樣選擇12月在同一地點受洗，相信這份心意，比任何聖誕禮物都來得珍貴。誰會想到，與天后鄭秀文（Sammi）結婚5周年的許志安，竟然被揭跟觀眾緣甚佳的馬國明女友黃心穎車廂內激咀，震驚全港，而女方一句「教徒」，又似對信仰有點不尊重。
變色感情誰人留得住？但當所有醜事爆出來之前，都是美好的，

聖誕好多人都諗買咩禮物去交換，又或者去邊到食大餐，而許志安當年竟然趕喺聖誕前去受洗，當然，安仔唔係好似大家咁膚淺，大家諗可能係想氹吓老婆Sammi，好似之前林宥嘉同阿G.E.M.咁想「拆禮物」。早喺2011年佢哋兩個復合之後，Sammi就帶埋安仔一齊返教會，返咗陣年底安仔已經決志信主，Sammi演唱會度講話，佢哋兩個最常一齊做嘅事就係祈禱，最後安仔決定喺12月17日受洗成為真正嘅基督徒，點解揀喺呢個月呢個教堂，因為10年前嘅12月9日同地點就係Sammi受洗，相信呢份心意，比任何聖誕禮物都來得珍貴。

珍貴唔係因為佢夾硬為咗你扮信教，而係佢真心去想接觸你嘅世界，男仔嘅興趣離唔開打機、睇波、睇漫畫，反正男人嘅浪漫係好少同女人有相交點，即係總有女仔唔會明咩係越位，咩叫插水，因為女友好少會放假星期六日同你通宵睇英超。而相反，放假男仔陪女友去行街買衫買化妝品亦會選擇喺門口等，掃吓IG打吓機，都唔會入去陪女友一齊睇，而安仔做嘅呢件事，就係行前一步，主動去進入Sammi嘅世界。

最後安仔唔單止願意打開心扉進入Sammi嘅世界，最後竟然仲同Sammi一樣決志信主，利申唔係宣傳大家信教，大家可以將基督教改做天主教，又或者係佛教都可以，反正冥冥之中，你愛嘅人同你有共同信仰，感覺兩個人係同步，嗰份感動唔係收到一份禮物咁簡單，而係進一步心靈上嘅滿足，就好似你同friend見到有搞笑事，不約而同講同一句說話，嗰種默契感係冇嘢可以代替到。