【公子會】謝安琪前度係鋼琴大師 森美:就咁聽都型過張生啦

撰文:冼燕珊
出版:更新:

人妻歌手謝安琪(Kay)和老公張繼聰結婚11年,人前人後恩愛,近日Kay作客森美和劉翁主持的電台節目《公子會》,少不免大談感情觀,Kay 自爆過去情史,其中一個是鋼琴男初戀,另一個是易經男異地戀,對於過去這兩段感情,Kay都有非常正面的評價:「我啲男朋友真心勁」。

日前謝安琪上森美節目,大談過去情史。(影片截圖)

阿Kay 在節目上勸大家結婚前要見識多些,唔好以為初戀就是一生一世,否則到分手時就會痛得死去活來。這番領悟來自她那段刻骨銘心的初戀,當時Kay就是對這段感情太認真,以為初戀就是結婚對象,以致分手時太痛而導致爆肺,「唔知係咪情緒太激動,分手無耐就爆肺。」之後阿 Kay 就開始形容這個鋼琴男初戀,「其實佢好有型,成個李雲迪咁樣,彈琴好叻,會參加鋼琴比賽,個人好有氣質。」

Kay大讚初戀男友非常有才華。(IG圖片)

聽落鋼琴男完全是每個少女夢想中的情人,森美此時插把口說:「就咁聽都型過張生(張繼聰)啦。」阿 Kay 聞言大笑,然後續說:「佢畫畫又好靚,讀建築系,好識欣賞藝術嘢,但佢長期喺一個藝術氛圍入面,個人好Moody,成個Woody Allen 咁,拍拖嗰時,好似成日都係陰天咁,佢永遠眉頭都有少少鎖住。」雖然鋼琴男經常處於一個深沉的狀態,但Kay 大讚對方就係因為有這種特質,所以他才能創作出出色的作品。

Kay 指初戀男友十足一個藝術家,經常眉頭深鎖。(IG圖片)

阿 Kay 坦言曾經憧憬可以與鋼琴男一生一世,覺得他才華洋溢,非常有型,甚至幻想過將來跟他組織家庭的畫面。當時真的太年輕,以為喜歡就代表一切,卻忽略兩個人的契合,是講求適合不適合,Kay 接下來解釋分手的原因:「佢成日都要做Project,例如個Project 係要設計一個水族館,咁佢就要砌個模型出嚟,由於我太崇拜佢,所以我成日拎住自己啲書,陪住佢做嘢。一見佢啲嘢唔夠用,我就即刻幫佢衝落灣仔買,又要逼電車,又要跑返學校,仲要淋埋雨。」整個畫面實在太青春浪漫,好似電視情節一樣,不過阿 Kay 頻撲了一晚,卻換來對方一句:「唔啱呀,唔係呢隻呀!」為對方赴湯蹈火卻不獲欣賞,阿Kay食了幾次貓面之後,二人感情也慢開始出現缺口,導致最後分手收場。

經歷過與憂鬱的藝術家鋼琴男的感情唔Work之後,阿Kay下一段感情,迎來一個陽光男孩易經男。

雖然鋼琴男才華洋溢,Kay最後明白唔夾就係唔夾,終於分手收場。(視覺中國)
+1

【公子會】張繼聰最愛不是自己 ? 謝安琪激動:好hurt 㗎大佬

【公子會】謝安琪飛Long D男朋友 多年後向對方懺悔