【後生仔傾吓偈】馮盈盈自high講人生意義 結果又係同性有關
撰文：鄺鈺瑩
出版：更新：
FYY真係為《後生仔傾吓偈》帶來好多學術性知識。
最新一集《後生仔傾吓偈》以「人生的意義」為題，6號一開始就話其實每集都想探討更多學術性問題，奈何只要有馮盈盈同麥明詩，就淨係得性而無學術，馮盈盈聽到之後就即話：「性都可以好學術性，只要夠深又夠入……」黃色底子改不了。
FYY話唔理別人的目光，自high也可很快樂。
一班KOL的人生的意義大概都係活在當下、開心快樂，咁馮盈盈呢？佢就好認真咁話：「所有生物生存意義就係為咗繁殖同傳宗接代，所以如果你唔生仔唔交配，真係無意義，浪費上天比你嘅生命。」呢番說話由性博士FYY講出嚟，又真係好似好啱咁，6號聽畢都好疑問咁：「所以人全身都係繁殖器官？」性博士FYY於是搬出物競天的定律，指地球有一半生物的睪丸都在體內，「不過因為太熱，所以啲精死晒，生唔到仔，最後就得返睪丸在體外的生物存活。所以當你見到啲人體結構都係幫到你生BB，每次小便時都見到，咁你仲要唔努力啲？你點可以浪費咗佢……」FYY更表示曾經都因為怕辛苦而唔打算生仔，之但係一諗可以令人類繼續發展，就即時改變了想法。