我們對於未來的想像，往往就是引導，文化發展嘅方向， 當社會只剩下憤怒， 我們就是搖滾最肥沃的土壤。 新樂隊15℃ 面對這個空間好嬲好嬲好嬲好嬲之餘， 我們還能夠為這個地方添加一點想像？

15度如何成立呢？點解叫呢個名？

15℃：十五度目前有四位成員，鼓佬Saha，結他佬Alvis，Vocal Ringo同埋好遠喺美國過嚟嘅Bass佬Logic Pro X。

其實一開始我哋三個喺讀書嗰陣識嘅。Alvis同時係兩隊Band嘅結他手嚟嘅，咁啱喺2018年嗰陣Ringo嗰邊就走咗個鼓佬，Saha嗰邊就走咗個Vocal。有次Alvis就提議不如出嚟食個飯傾下計，之後發現我哋三個喺聽歌口味，同想玩嘅風格上面都幾類近，傾傾下就組成咗十五度。

叫十五度嘅原因，其實係真係咁啱諗隊名嗰日係十五度，碌電話見到天氣App上面寫住15°C，覺得幾好睇，就決定咗叫十五度。

你哋想探索嘅風格係？ 在重型音樂的中， 你哋點樣攞到屬於你哋嘅聲音？

１５℃： 我們其實仲係喺一個探索嘅階段，唔想定自己型住，咩都想試下玩下。

至於你話重型音樂，我哋覺得15°C車邊都拉唔上，只係有少少重型嘅元素喺歌入面。通常我哋去做一首新歌嗰陣，我們都會討論呢首歌想帶出嘅意思，想用啲咩音樂風格去表達，再一齊編曲。

近期嘅Bring me the horizon同ONE OK ROCK嘅歌都幾影響我哋嘅。

如果搖滾某程度上，代表著憤怒， 你認為香港係咪一個最適合做搖滾音樂嘅地方？

15℃：我諗每個地方都有憤怒，唔同地方都有唔同發洩憤怒嘅方法。搖滾音樂係我哋選擇嘅其中一個方法，不過我哋認為香港需要嘅唔止係搖滾音樂。香港人嘅憤怒發洩咗就無咗，每次每次都係，我哋唔會去探討我哋嬲嘅原因同埋我哋要嬲嘅原因。

我諗比起搖滾樂，我哋更想做嘅係，你聽完發洩完爽完，喺冷靜咗之後都仲可以刺激大家去諗多啲嘅音樂。

《Space》係一個咩嘢嘅故事?

１５℃：《Space》可以理解做香港人嘅空間：藝術空間、文化空間、自由空間、生活空間，甚至思想嘅空間。

《Space》寫嘅亦都係一個關於香港人嘅故事。其實喺寫嘅時候，係以一首「向其他地方嘅人介紹香港」嘅歌做定位，講下香港人生活喺香港嘅感受。但係寫寫下，當我哋發覺其實我哋剩低嘅空間都唔多嘅時候，我哋就向住一種「我想搵一班一樣諗法嘅人」嘅方向去寫，希望可以做到「放心，我哋仲有好多人喺度一齊努力」嘅感覺。

編曲上面，有四隻字係好影響成首歌嘅走向，就係「先破後立」。

Tone Online Music Festival 不幸改期 演出單位重磅加碼