【離職藝術】散水餅送咩好？　HR達人話你知點送先唔cheap

杯子蛋糕、馬卡龍、雪條、蛋撻，這不是自助餐的甜品部，而是現時散水餅的選擇。散水餅款式層出不窮，當大家認為選擇豐儉由人之際，其實在不少大企，僱員離職都流行送一件＄40多元的名牌切餅。
近日有討論區帖文指，在公司收到一塊獨立包裝的曲奇作散水餅，隨即有同事指「塊曲奇好cheap」，隨後引起網民討論。有人力資源達人表示其實散水餅屬一份心意，「就算派糖都已經做多咗」。

「我覺得散水餅係對個同事好唔公平。」獵頭公司CEO張慧敏這麼說。哇，在職場那麼多經驗的「Son姐」說得出這麼的一句，豈不就顛覆了長久以來的辦公室文化？她解釋其實送散水餅成公式化才是問題，「唔係所有人都係高層，都唔知邊個開始送到要Cova，公司得兩個人就話請你食，有啲公司幾百人，點請？」她指今時今日這種「貴=心意」的風氣，對初入職的人來說負擔很大，「Junior staff買Cova都過千，但佢份人工都可能係萬多元。」她指散水餅是屬「意思意思，畀自己真心想多謝的人」，「就算派糖都已經做多咗。」

要做個醒目打工仔，記得睇多幾條「職場處境題」啦！ ​（按此進入）

網上有人散水送曲奇被人嫌棄，Son姐直接批評那些人口不擇言，「點解買貴餅畀你食係應份？到時我結婚派帖畀你個時，你咪又話唔係好熟做咩派畀我。」她指若是好同事，應該反客為主，「羅漢請觀音，同佢餞行，請佢吃餐飯。那同事其後請你吃餅表示感激，先係最好。」

【WorkSmart】3招K.O.混亂辦公枱　收納達人：最理想係似「砧板」 （按此進入內文）

現時送散水餅成為打工仔離職前必需的動作，Son姐認為打工仔不應人云亦云，諷刺「工作不是靠做戲，而是靠客氣」。她說要避免惹人閒言閒語，建議寧願一刀切全部不派，私下約同事吃飯，便可避免「有啲畀，有啲唔畀」的情況。「如老細喜歡飲咖啡，咪一早無人時放係佢檯頭，加張thank you note。」

要在離職前留下好印象，Son姐認為應在辭職信被公司接納後便開始處理工作上的交接，「唔好留低手尾畀人，唔知啲野交畀邊個就自己做定個check list，寫低自己做緊咩，進度。」這樣便是一個「最好、盡責」的辭職，她指能夠做到這，就算沒有買散水餅亦不為過。