「阿七」吳嘉儀與未婚夫豬仔（Leo）將在8月舉行婚禮，而向來十分有孝心嘅吳嘉儀，日前特意按照傳統進行中式過大禮，氹得嫲嫲十分開心。

吳嘉儀特意找來專業人士教她揀選過大禮婚嫁五款金、新郎三款金，婚嫁五款金包括足金頭飾（后冠+髮簪）、足金頸鏈（B2B豬牌+大花鏈）、足金龍鳳鈪、足金耳環及足金戒指。新郎三款金包括足金豬頸鏈、足金男裝頸鏈及戒指。吳嘉儀表示屋企人十分滿意，金器、果籃、海味多到差啲擺唔落。

金器陣如此強勁，吳嘉儀接受訪問時都大讚未婚夫Leo：「佢都好盡力， 多朋友介紹幫手搜羅唔同嘅好嘢，有條清朝虎珀係佢傳家之寶。（係咪即是當你無價之寶？）係呀，代代相傳幾有意思 ，好似古代咁。」而選擇在7月22日過大禮，吳嘉儀解釋是取意頭希望之後「2+2」可以生一對小豬仔。