佘詩曼首次返鄉下祭祖　獲鄉親父老貴賓式招待

佘詩曼日與媽媽和弟弟一齊返家鄉，獲鄉親父老熱烈歡迎。

佘詩曼（阿佘）出名孝順，日前她陪媽媽返家鄉珠海，一班鄉親父老相當興奮和高興，更在大屋外掛上「熱烈歡迎佘詩曼小姐回鄉」橫額。

佘詩曼喺維基同百度嘅籍貫都係寫廣東中山，但有網友指佘家祠堂都係喺珠海金鼎，其後有網友解釋珠海以前劃歸中山。有指阿佘今次係第一次返家鄉，見佢除咗喺祠堂誠心上香，又回祖屋看看，之後仲留底參加村宴，同一眾鄉親拍照，十分識做。喺留鄉期間，雖然所到之處擠得水泄不通，阿佘仲好幾次被逼到同佘媽分開，要特地停下拖實對方，但阿佘全程都保持笑容，十分得體。