有片│小西灣巴士迷為影相阻九巴開出　瘋狂「爆粗」辱罵車長報警

巴士迷追拍巴士的激進行為，屢為人詬病。繼早前將軍澳大批巴士迷衝馬路拍攝而驚動警方後，今午（21日）網上又瘋傳影片，可見一輛九巴從小西灣藍灣半島巴士總站駛出時，遭數名攜有專業相機的疑似巴士迷阻攔。有人對車長瘋狂「爆粗」辱罵，呼喝「夠膽你就泊喺度」、「打你呀」；亦有一名少年「人肉擋車」站在車頭前；車長最終報警。

警方表示，今午4時05分接獲一名姓陳（36歲）巴士男車長報案，指多名男子阻礙巴士，不准其離去，聲稱要與巴士拍照。警員接報到場後，涉事人等已經離去。據了解，該巴士為118號線。

事件引起網民撻伐，一面倒批評巴士迷的行徑，「不嬲都犯眾憎」、「妨礙交通已經拉得」、「人地（哋）打工一定要比影？ 車長有權唔比影！」亦有人慨嘆巴士迷變質，「以前個D（嗰啲）識咩係尊重」、「而家啲小朋友越來越惡」。