Steven張致恆與雯雯結婚多年，仔生極都有生足4個，而財困情況亦一直未見改善，一家六口長期經濟困難，經常要向網民借錢解決。早前張致恆的起心肝返地盤又做渠務工人又登台，但債總是無法還清。雯雯近日又再發文呻無錢還。

雯雯又在社交網呻爆被人追債，直指根本不能還錢：「當初好多好心人幫，現在大家都追我還錢，我以為自己會愈來愈好，有努力改變、有努力工作就可以有轉變，原來唔係，一切好似玩我一樣，每日都有唔好消息，冇工開，一個又一個小朋友唔舒服，依家生活冇改變過仲依然困難，冇奶粉冇租冇飯開，我可以點樣有錢還」，並表明不是想唔還而是無法償還：「完全諗唔到辦法，當然有借有還，但我狀態真係冇，又要照顧4個，完全出唔到去。」