58歲的關秀媚因參選港姐而入行，2005年淡出娛樂圈，近年離婚復出，今日（13/01）應梁思浩邀請登上《直播靈接觸》。梁思浩透露會與她談及離婚後的生活和一些中國新年的傳統集俗，十分令人期待！關秀媚接受《香港01》訪問時，也表示最近生活忙於自己的護膚產品生意，不過有適合劇本時亦會接拍。「我唔介意放低幾個月去拍戲㗎！」

關秀媚接受《香港01》訪問時，也談到一些復出拍戲的角色取向，直言「有戲就得」，她說：「可以㗎，我扮過醜，《豬扒大聯盟》我扮到好醜怪，我咩都敢去嘗試嘅。」

談到網民的「mean」爆言論，指她「冇錢先出返嚟做嘢」，她聽到後就說：「講呢啲㗎？」問到她的看法，她就回答：「我唔睇囉，因為我唔係好睇啲人點寫嘢，因為生活係自己嘅。如果一定要同錢掛鉤嘅話，其實好多嘢都會同錢掛鉤。要同自己人生負責任，點樣安排，點樣過去令人生豐盛啲。即係我餘下嘅日子點樣可以更加開心，都係要自己去搵。」關秀媚透露，現時有劇本洽談中。