連鎖公司換禮品積分騙案存在已久，今晚（25日）TVB《東張西望》再報道一位化名Mary的苦主投訴，指自己收到某大型連鎖公司的換領禮品短訊，指她積分快將到期，Mary指所有頁面跟真實的幾乎一模一樣，所以她誤信加$4.7便能換禮品，最後卻損失$91,723，當中銀行接獲投訴後沒有即時處理，令她很氣憤。

Mary指騙商要求指定銀行過數，故她找朋友代勞，對方在翌日朝早查核銀行戶口，發現$4.7沒有被記賬，反而有一筆10,500歐元簽賬，Mary友人已即時致電銀行取消信用卡，以及到警局報案，但銀行回覆指因公司查不到是欺騙成分，故會繼續將款項過數，而銀行在事件上沒有責任，Mary稱：「即係要我哋啃返筆數，但講真，啃我哋完全唔想，落完口供嗰筆數仲係未過數，其實係有時間可以停止呢件事發生，唔明白點解你哋唔做，有兩日空檔唔去處理，而將筆錢白白畀咗對方，銀行都好大責任，唔係完全一啲責任都冇。」《東張》向銀行方面了解，但一直不獲回覆。