「邵仲衡」這個名字自90年代《大時代》之後沉寂一時，最近再次被大家提起，全因他大膽接拍ViuTV劇集《詭探》，破格新穎的角色令他突圍而出，甚至壓過同期無綫的《蘭花刼》，人氣急升的他接受電台訪問時也表示劇集的成功是他始料未及：「其實我覺得估唔到，呢個行業好多人咁講，係偏門嚟，佢需要而你畀到果樣野，就係咁，我聽講《詭探》上咗去國內，反應好好，好受歡迎，對上個禮拜國內好多代言、飲食、影相、婚紗都有搵我」

對於自己的成就，他用「好彩」來形容自己，「出到街好多人『全哥』、『全哥』咁叫我，我自己好多謝上天畀嘅，我好易同人做朋友，即係觀眾緣，我諗係好彩我有呢樣嘢。」。今年是他出道30年，記得初初邵仲衡是參加「超級新星大賽」入行，然後被大台挑選做「銀河十星」，當年同期有邱淑貞、李婉華、吳詠紅、郭富城等等，而他是當中的冠軍備受重用。簽約之後他只做過兩次「臨記」，其後接拍的都是重要角色，可謂星途一帆風順，他說：「好好彩，我捱咗做兩次『茄哩啡』，喺《誓不低頭》畀秋官打，我好多謝林太，May姐林馮美基，即係煮餸賣廣告雞汁嗰個，係佢一手捧起我！」

回想起當年的訓練班，他形容那時候是非常刻苦，他指錄影時間完全是違反勞工條例，甚至是人道條例，天天加班是平常事，令他完全感受不到演出的樂趣，感覺都是熬著過。在演藝圈「捱」是必定的，跟他同期「銀河十星」的郭富城也不是一炮而紅，他回憶道：「Aaron都扮過好多次死屍，佢好勤力，佢喺班入面唔太突出，除咗跳舞之外，佢係Dancer嚟架嘛。但係今時今日我睇佢做戲，好多地方都仲可以加啲嘢減啲嘢，好多野你明喇，偏門嚟架嘛，要天時地利人和。」正因為這個「人和」關係，問到他95年突破退出的原因，他指部分原因是因為MAY姐的離開，一朝天子一朝臣，他就隨著他的伯樂一起退下去。