提起「大佬孝」邵仲衡，很多人自然會想起他在《大時代》那時候與劉青雲之間的「微妙關係」，有傳當年劉青雲撬牆腳奪得郭藹明美人歸。之前邵仲衡澄清女主角並非郭藹明，今日他接受電台訪問又提及此事，又大鬧劉青雲幼稚，到底當中是發生什麼事？

他憶述當時他與「這位男演員」一起工作，那時候公司安排他們去馬來西亞登台，那時候他的女友是劉美娟，他回憶道：「本來大家相安冇事傾吓計咁，有一日同佢拍拍吓野佢嘅態度變晒，講野又衰衰咁，又攞你便宜，即係我地喺社會打滾咁耐，一嚟就知道你有古怪嘢，咁緊係同女朋友呻，後來佢先講呀邊個邊個早兩晚喺我屋企樓下等我，我話原來佢追你架，點解要將呢啲嘢帶返片場呢？老實講，我唔係認真嬲，我係覺得幼稚！」對於以前的事，他的態度顯得相當豁然，邵仲衡覺得道不同不相為謀，「都唔係好多計傾，啱囉，大家係對立嘅，大家唔啱傾就傾少幾句。」

不止是工作上，就連感情事他也看得很開，合則來不合則去，他說：「鍾意咪行埋一齊囉，唔好睇得咁重，睇返轉頭都覺得好笑。」大家都將重點放在他的感情事上，又劉美娟，又邱淑貞，但笑言新聞報導的都只是冰山一角，他的感情事有如走馬燈一樣，他表示回望過去的愛情路有感不枉此生！

他更少有爆料指第一個公開的圈中女友邱淑貞並非他的初戀：「唔係初戀，N次戀之後先到佢架，真架！」，可惜這對金童玉女走不到最後，他暗示當其時是被撇的一個，他說：「大家唔同咗個path，佢識到唔同嘅人，佢認為要開始另外嗰啲，我覺得唔啱就冇得傾架啦，佢之後第一個男友唔係電影導演嚟架以我所知。」感情事過去就不要再提，大家聽過就算，畢竟大家今時今日都已經成家立室。