年度盛事「渣打香港馬拉松2025」已在2月9日圓滿結束，今年有7.4萬名跑手分別參與全馬拉松、半馬拉松及10公里（10K）賽事。順利完成賽事督友紛紛在終點與跑手打卡，但竟然有人到場捉姦？

李思捷舊愛，曾參加《中年好聲音2》的前𡃁模馮鎵瀠（Naomi），在社交網上載於渣馬終點拍攝的短片留言：「渣打馬拉松，除咗去幫跑手打氣之外原來重可以去捉姦！！！事緣係紫衫女士大叫：你同個三十幾歲後生女，勾三搭四！我係拍你，唔係打你！你要搵警察，咪搵警察囉！警察介入分開兩人同勸喻離開！」

片段見到紫衫女士相當激動，有網民好奇問：「即係一路跑一路鬼混？🤔」、「要幾咁絞盡腦汁先諗到可以用跑渣馬呢個藉口出嚟偷情」，亦有人指自己同在現場見證：「估唔到渣馬都會有呢啲小插曲🤡」、「我都親眼見到呢一刻，個紫衫女人喺我面前鬧另外嗰條女，好好笑。」