有TVB御用惡人之稱，現年54歲的彭家麗細佬彭皓鋒（Peter），前年7月發現直腸內有一個約5厘米嘅腫瘤，證實患上直腸癌第三期。發現直腸癌後彭皓鋒一直積極接受治療，近日他更新社交網透露近況。

彭皓鋒曾在受訪時表示病情時好時壞：「初發現時5點幾CM，1月份時檢查8點幾CM，剛剛今個月檢查又變7點幾CM，有大有細。但癌症指數上落不大，在六點多至八點多左右。」又指醫生建議先做電療化療：「希望先令腫瘤變細遠離肛門，然後可以做手術，因為太近肛門位置切腫瘤時會令肛門神經線受損，就要終生孭屎袋。」但他坦言自己不太想做手術：「因為有嗰個造口，我就會成為家人負擔，喺我角度唔會諗住係拖囉，我會諗醫緊，會醫返好嘅。」

自證實患直腸癌後，佢選擇從生活入手增強自身體質，例如戒甜食及保持清淡飲食。另外，佢亦保持積極心態面對病情，並發現專注力可以幫助佢減少不適。2月10日他更新IG，上載身處醫院的照片：「開始一連五日的電療🙏祝自己好運💪感恩一切安排，感恩老婆相伴左右🥰」