麥長青拍八達通廣告暈船浪：嘔又嘔唔出
撰文：溫菁莉
出版：更新：
如果有睇最近新聞都知道第一代八達通就快要換卡，而近年工作量有增無減的麥長青（麥包），日前他為八達通拍攝全新一輯廣告，呼籲港人更換新一代租用八達通咭，麥包自言可能夠貼地所以得到垂青接拍今次廣告：「我跟八達通一樣，陪伴港人一齊成長，大家對我有份親切感，而八達通用法方便、簡單，形象同我一樣貼地，可能就是這個原因而找我拍今次廣告。」
麥包今次為八達通拍廣告，他笑言因為自己夠貼地所以獲港鐵垂青。
提到拍攝過程，麥包自爆其中一個鏡頭要在船上拍攝搞到暈船浪，他說：「有一個鏡頭，導演希望我在船上拍，可以拍下維港兩岸美景，不過拍攝當日非常大浪，且在大清早上船，我真係暈船浪，想嘔，好彩我有一個不愛吃早餐的習慣，就算想嘔都沒有東西嘔。」
麥包今次仲拍到暈船浪。
是次拍攝，麥包最大得着，除了是酬勞外，他還發現「新大陸」，「一直以來，我都不知八達通原來有其他款式，今次拍攝，我先知原來有機動戰士的圖案，我即刻買了高達同紅彗星兩款公仔，這是我兒時其中一套最鐘意的卡通片，所以真係好開心。」
拍畢廣告後，麥包透露即將要為兩套網劇開工，其中一套更是跟梁漢文合作，他表示已20年沒有與對方合作拍劇，非常期待，「可能《街巿遊樂團》真係好貼地同親民，得到各界的支持，衷心感謝。」