《爸爸去哪兒5》由開播到依家，惡爸陳小春同囝囝Jasper嘅關係愈嚟愈好，由開頭成日都口硬心軟，發火狂鬧Jasper，到後尾聽到Jasper嘅真情告白感動到喊，因為拍攝呢個親子真人騷，兩父子嘅感情與日俱增。尋日嗰集Jasper仲喊晒口咁話唔想爸爸變老，真係溫馨到震，可惜並動搖唔到媽媽應采兒喺Jasper心目中嘅地位，時不時都聽到他係節目度話掛住媽咪，搞到陳小春呷醋問做咩唔掛住爸爸，有集Jasper仲走去喺村長耳邊講：「我好想會有個《媽媽去哪裡》，因為我最喜歡的就是媽媽。」可見應采兒喺Jasper心目中係No.1！

Jasper的願望終於成真，以往嘅《爸爸去哪兒》一眾媽媽們都係最後一集先出現，今次第5季媽媽們竟然提前登場。除咗吳尊老婆，到他們所住的房子才現身之外，嗯哼媽媽霍思燕、小泡芙媽媽王婉霏、小山竹嘅實習媽媽李沁同Jasper媽媽應采兒通統嚟到拍攝現場，節目就玩驚喜將媽媽收埋喺花轎入面，要過關先可以見到真人，Jasper一見到應采兒興奮到不得了，笑到見牙唔見眼係咁揮手Say Hi，同見到陳小春嘅反應差好遠。

之後應采兒當然要同埋陳小春和Jasper玩吓親子遊戲，見到應采兒蹲喺地下切菜，又要做好多粗重工夫，佢搞笑咁話：「我以前看《爸爸去哪兒》，媽媽們不都是穿得很漂亮的走進來，沒有在幹活啊！」

小朋友嘅媽媽終於曝光：