唐文龍（Michael）憑著《溏心風暴3》而人氣急升，成為新一代男神。其中一幕被黃永正（夏雨飾）鬧「X街」潑奶茶一幕更在網上瘋傳，令他紅上加紅。觀眾追捧之餘，更吸引了全港傳媒的報導訪問以及中國內地電視台的關注。

唐文龍接受《香港01》訪問時說：「呢排都有一啲項目或者活動主動搵我，其實內地仲多咗。（工作方面比以前多幾多？）我諗多咗10倍都有嘅，訪問嘅話我諗自己喺淨係香港都做咗30個左右。其實我都開心，好欣慰，好感激（大家支持）。唔緊要嘅，其實過去呢10年都冇乜做過訪問，宜家拉返勻條數都係OK嘅。」計起上嚟，唐文龍已經入行23年，雖然早期星途未算理想，不過今次唐文龍終於吐氣揚眉。

工作量以及人氣多了之餘，收入就肯定會隨之增多。不過Michael就表示收入未有明顯增加。「冇咁快，好多嘢都係洽談緊。始終你話咁快有咁多錢搵咩。（套劇）有咁多正面嘅迴響，包括我哋《溏心風暴3》有一個咁好嘅故事，其實有機會參與我已經係賺咗。喺個人來講，我呢段戲（雖然）得20集戲份，但係已經好開心。至於我過往嘅負擔同埋擔憂，宜家已經變成左一個喜悅。」

雖然唐文龍（Michael）在《溏心風暴3》的戲份只餘下些許，但是他表示已經有4個電視劇（包括網劇）洽談中。「未傾實嘅嘢，我就唔想亂吹。實左再話比你哋知。」據Michael透露，其中有2套他是擔正做第一男主角，2套是男配角。嘩，希望遲啲有得睇啦。到時就可以再見到男神NicNic嘅演出。