梁詠琪帶囡囡為楊采妮孖仔慶祝生日 李心潔：代代友誼萬歲
撰文：鄺鈺瑩
出版：更新：
呢個姊妹團由最初4人變為今日13人，好熱鬧。
梁詠琪、李心潔、許茹芸同楊采妮呢幾個好姊妹雖然各自住喺唔同嘅地方，又唔係成日見，但感情一樣咁好。而自從做埋媽媽之後，話題就似乎更多，梁詠琪今日就在fb分享同好友聚會嘅靚相。
李心潔囝囝亂入搶鏡成功。
照片中，除有許茹芸兩夫婦、李心潔一家、梁詠琪一家之外，當然唔少得楊采妮同佢一對孖仔啦，孖仔3月就1歲生日，大家特地飛到新加坡為他們慶祝，真係好唔話得。梁詠琪留言表示：「采妮的一對小兄弟出生後，我們4個姊妹們第一次難得這麼人齊的都帶着另一半和小孩，聚在一齊為小兄弟們提早慶生。Sofia面對着4個小弟弟，立刻變大姐姐啦！」而李心潔隨後亦有在fb上載照片，並留言表示「小黃花的下一代小小黃花，代代友誼萬歲。」
3歲嘅Sofia已經係大姐姐。