【福祿壽】阮兆祥為《跳街舞》減25磅 王祖藍感觸:唔知下次幾時

撰文:鄺鈺瑩
出版:更新:

「福祿壽」合體開騷,之前喺記者會上,三人玩盡三屆前特首,到呢晚正式開騷時,王祖藍繼續「梁浸英」上身,配以唱《真心英雄》的片段,並不停笑佢唔啱beat兼無音準。之後祖藍又扮鍾景輝,一上台就話「為慶賀亞視復活,我喺籠底搵返啲歌詞出嚟」,以《尋找他鄉的故事》主題曲,配上「曾熄機我爭啲破產,今天我復活亞視有運行」等歌詞,最後再高呼「亞視有運行」,抵死無聊但有趣。
攝影:江智騫

完騷訪問時,藍祖被問到想下次開騷定生仔快啲時,佢話想雙喜臨門,仲已經諗定巡演時帶埋老婆隨時進行造人大計。(江智騫攝)
細細粒同李思捷重演陽光檸檬茶廣告,玩埋壁咚,兼即場過磅,重口味之選。(江智騫攝)

演唱會之後輪到阮兆祥扮石敢當,駕著「祥魔的」出場,以「成日有錢不派滴水不漏十分之壽頭」、「無論快樂與難受佢鬼知道伯姓嘅感受」諷刺政府,觀眾聽完都報以熱烈掌聲。李思捷雖然未有以政要身份出場,但他以郭富城、周星馳、許冠文腔調唱出《絕對空虛》都十分抵死。而曾在福祿壽系列出現的Hungry、Handelababy以及大EX又點少得呢,三位「女士」打扮如同Victoria's Secret天使一樣,唱出一曲《迷人pink lady》,引得坐在台下的汪明荃亦忍唔住起身跳番part舞,祖藍指沒有《荃加福祿壽》的話就沒有他們,所以多年來都十分感謝汪明荃。

演唱會尾聲,阮兆祥提到三兄弟走過10年不容易時一度哽咽,祖藍見狀亦眼濕濕,他指這是開心的眼淚。「比掌聲呢兩位兄弟係因為佢哋係完全無私心,無你哋我今日可能瞓低咗。」

+77
李思捷扮完蘇永康、MJ再扮郭富城,換衫換妝仲要跳舞,唔怪之佢話好攰。(江智騫攝)

演唱會後,福祿壽在後台接受訪問時,表示哽咽是因為一時感觸,祖藍指過去10年與兩位兄弟甚少爭拗,並且一起經歷過不同的事情。「好似結婚咗,人生突然去到一個轉捩點,就會湧上心頭,同埋真係唔知下次係幾時。」

對於今次的演出,李思捷認為跳舞部分最難,因為已不像十年前般靈活同好記性,而祖藍由於《奔跑吧兄弟》新一季開鑼,開騷當日早上他才剛從維也納返港,為怕擔誤演唱會進度,所以勁歌熱舞交由兩位兄弟負責,而自己主力構思。「度都唔跳舞都要好笑係好嘥時間,特首同King Sir都係諗完希望出來有效果。」祥師兄指為了祖藍而跳多啲感到十分有壓力,更為此特地減磅。「減輕去跳會輕盈啲,你也看到《跳舞街》節拍多快,我唔減就有如孭著20磅啞鈴去跳一樣。」

以王祖藍嘅高度,扮Elsa真係一流。(江智騫攝)