麥浚龍（Juno）的衣着品味一向是網民的熱門話題，去年他的Skinhead加長鬍鬚造型，就被指似足漫畫《龍珠》中的「龜仙人」，而昨晚TVB播出「IFPI香港唱片銷量大獎頒獎禮」，獲頒「十大銷量廣東唱片」的Juno以奇特造型現身，一頂黃色冷帽遮去上半邊面，全程「見牙唔見眼」，又再引起網民熱烈討論。

網民對Juno的黃色冷帽發揮無限創意，指他似迷你兵團(Minions)、阿森一族(Simpsons)，甚至乎聯想到燒賣及避孕套等東西，亦有人好奇他如何遮住雙眼都可以看清事物，又擔心他走路會否跌倒，可能「睇路用第六感」。其實昨晚播出的頒獎禮是上月尾錄影的，相信當時Juno出場都引起不少哄動，但他就不受影響，充滿感情地唱出《念念不忘》，難怪有網民話：「講自信佢真係無對手」。