自從傅嘉莉(Kelly)新年喺Big Big Channel直播自己DIY頭箍之後，佢嘅創作靈感就停唔到，幾乎每日都整，佢仲話有一日一口氣整咗五個。Kelly喺IG寫道：「由細到大都好鍾意藝術，之前畫畫，最近喜歡整頭飾。」網友大讚Kelly係天才，仲問佢啲頭箍賣唔賣，連陳凱琳(Grace)都話留言話想幫襯，Kelly叫Grace用佢啲舊頸鏈同耳環嚟整一個新嘅頭箍，賦予舊物新生命，真係非常環保呢。

其實見到粉絲反應咁好，Kelly最近都話心郁想成立品牌，仲問大家佢間店名叫咩好，睇嚟都相當認真。不過最近Kelly就要停產一排喇，因為佢要去橫店拍《包青天》呀。