【開心速遞】同安仔分手離開劇組？ 林凱恩：好多人問我呢個問題
撰文：林迅景
出版：更新：
《愛．回家之開心速遞》中，林凱恩（Iris）飾演Bonnie一角，可謂是深得觀眾以及網民歡心。不過最近集數中，Bonnie與安仔（周嘉洛飾）又分手了，令不少網民擔心Bonnie會不會是繼邵佩詩之後又一個離開劇組的演員。再加上近日林凱恩宣布離開《安樂蝸》主持行列，就更叫網民擔心。
Bonnie同安仔真係幾襯。（梁碧玲攝）
今日林凱恩出席《愛．回家之開心速遞》的復活節宣傳活動。她接受《香港01》訪問時表示，劇中與安仔分手並不表示會離開劇組。「好多人都有問我呢個問題。劇情唔可以透露咁多，過多一個禮拜就可能會出現返。不過我仲keep住拍緊《開心速遞》嘅。」相信都只係虛驚一場啫。
唔好睇Bonnie咁男仔頭，其實佢平時好girly㗎。（梁碧玲攝）
關於離開《安樂蝸》一事，林凱恩表示十分不捨離開工作2年的節目。「好唔捨得，始終都係入行之後第一個節目。除咗Bella之外，我應該係喺《安樂蝸》做得最耐嘅女仔。（之後有咩新工作？）暫時都未知，等緊公司安排。不過我好期待《降魔的》續集，啲人話我大咗肚係伏線吖嘛。」難得咁多網友鍾意佢，希望佢會遲啲有劇啦。
林凱恩喺Instagram都話好唔捨得《安樂蝸》。（Instagram圖片）