選秀節目做極都有，繼內地版《偶像練習生》播出之後，觀眾睇一班靚仔鬥來鬥去已經上晒癮，大受歡迎到變成生活不可或缺的話題。繼有男仔版之後，內地騰訊網亦最近決定推出女仔版《創造101》，實行從中挑選新一代國民女神，節目未播就已經令人超級想睇。

在大家仲未知有咩女仔參加的時候，維基百科就率先流出一眾參加者名單，當中更不乏已經出道多時的女藝人。就好似來自台灣的女子組合Popu Lady成員劉宇珊（宇珊）﹑吳昀廷（寶兒）；內地女子組合3unshine的Abby﹑Dora﹑Cindy…最意想不到的是連香港歌手許靖韻（Angela ）亦是參賽者之一，是唯一一位香港人以一PK台灣幫﹑內地幫，未睇都為她感到緊張。

事實上Angela 實力非範都睇好她，現年24歲的她音樂才華了得出過唱片，雖然歌唱事業未見起色，不過不時在社交網站自彈自唱都獲得一致好評，再加上外貌都唔差的情況下，顏藝俱佳絕對有潛質PK掉其他人，為港爭光。IF要PK跳舞相信對她來講都是Easy Job，皆因找大師兄陳偉霆偷下師，相信都唔差得去邊。

另外，《創造101》已經決定了由黃子韜擔任主MC，找來歌手張傑﹑陳嘉樺﹑胡彥斌﹑羅志祥﹑王一博擔任指導老師，齊齊見證大家PK之下挑選最強皇者。最好笑的是《偶像練習生》找來EXO成員張藝興擔任MC，而黃子韜又係前EXO成員，兩兄弟PK實引起唔少比較，相信《創造101》隨時引爆話題。