今日係導演劉偉強生日，每年日導演都會在西貢匡湖居會所舉辦生日派對。導演在行內好友眾多，到賀嘉賓亦星光熠熠，包括林珊珊、鄭伊健、王子涵、陳奐仁、江美儀、黃敏奕、王晶、莊思敏、方中信、宣萱、鮑喜靜，舒淇、文詠珊等。導演身為主角，亦好甜蜜拖住老婆一齊現身，現場一度起哄希望影到佢地錫錫場面，不過導演夫婦都勁怕醜，大家亦告「老屈」失敗。

導演接受訪問時候都多謝大家祝福，講到生日願望「每年都係身體健康啦，不過今年有少少寂寞，因為屋企小朋友全部都出哂國了。」導演講到呢到心情明顯有少少感概，不過唔緊要啦，今晚咁多好朋友陪伴。

開得生日派對酒水方面當然唔少得，導演都講到明自己唔會醉，每年都仲可以行返屋企。而導演每年都唔少圈中好友都會送禮物，當中大部份都離唔開送酒水或者茶葉，問到導演咁多年收過最驚訝嘅禮物，導演就話：「車啦...船都係真，當然唔係講幾千萬個啲啦！」

而女神文詠珊今日都有到現場祝賀，佢講到：「今日都只係帶咗枝酒嚟送比導演，因為諗送咩禮物比男仔真係一件好難嘅事，今晚都會飲兩杯但未必飲得多，因為自己唔飲得。」至於大家都關心到佘文樂今日會唔會帶埋老婆出現，導演就表示：「佢地就唔洗請啦，要嚟自己就會嚟，咁當然替佢開心啦！」

女神文詠珊今日都有到現場祝賀，佢講到「今日都只係帶左枝酒黎送比導演，因為諗送咩禮物比男仔真係一件好難嘅事黎，今晚都會飲兩杯但未必飲得多，因為自己唔飲得。」當然大家都會擔心Janice會唔會飲醉要男朋友黎送番番屋企，Janice都笑說自己識照顧自己。