「龍貓」升呢同劉青雲拍戲　何遠東：我感到好榮幸

藝人何遠東自2008年加入TVB之後，大大小小都參演過不少電視劇。演技精湛的他，在去年《心理追兇 Mind Hunter》裡飾演的精神病患者「唐俊文」一角，更備受大眾讚賞。而同年在台慶劇《降魔的》中扮演的計程車司機「龍茂（龍貓）」一角，不止因出色的演技而大獲好評，更令他人氣急升，榮獲《萬千星輝頒獎典禮2017》「最佳男配角」，當時大眾都期盼這個獎項可以成為何遠東的囊中之物，可惜最後由陳山聰奪得，不少網友都為何遠東感到可惜。

【降魔的】龍貓受難又關黃子恆事　何遠東：呢part戲監製都睇到喊

上帝為你關上了一道門，必定會幫你打開另一扇窗

雖然同獎項無緣，不過何遠東的工作機會就多了好多。昨日，何遠東就在IG上載他同麥兆輝的合照，照片寫著「謝謝導演」，而他亦寫文感歎：「我不是鮮肉，更談不上BB，甚至係神。我是一個不折不扣嘅「肥仔」演員。唔遲唔早，時間剛剛好。剛剛好遇上一個好導演，一個有發揮嘅劇本和角色。謝謝你的信任，謝謝你給我的機會。謝謝導演。」原來何遠東有份參與麥兆輝指導的新戲《廉政風雲》，能和大導演合作，何遠東都覺得好榮幸，不過講起這次的合作契機，他自己都「一頭霧水」：「因為麥兆輝都係演藝學院嘅，係我大師兄嚟嘅，我都唔知點解會搵我，可能佢身邊嘅人睇過我嘅《心理追兇》或者《降魔的》，同佢推薦我。（本身已經識？）唔識㗎，所以我第一次見到佢我都好驚，始終係攞獎嘅導演，不過佢就好好嘅。」

「我都係一點一點積分，終於可以同影帝做戲」

除了麥兆輝，何遠東還上載了同劉青雲的合照，能夠同青雲合作，還要做同事，連何遠東自己都覺得不可思議：「完全冇諗過，我都係一點一點積分，終於可以同影帝做戲。」言語間透露出得來不易又興奮的心情：「佢真係好勁，唔會睇劇本嘅，將啲對白全部記晒入腦，氣場真係好勁！」可以同影帝做戲，何遠東自然都會把握好機會，但是壓力都隨之而來：「始終要對著青雲，自己都唔想衰，因為我啲對白好長，我要不停溫，我對著水又練（對白），對著牆又練，因為要講得自然，所以無時無刻都在練，我經理人都話我係咪傻咗。」何遠東笑言。其實他都經常看青雲的電影，大讚對方無論是情感戲抑或是火爆場面，青雲都可以駕輕就熟，所以自己都從對方身上獲益良多：「學到點樣演繹角色，因為我係舞台出身，所以會有好多動作，但係佢就好自然，我好相信佢，就算嗰場冇我嘅戲份，我都會喺度觀察、學嘢。」不得不說，何遠東真是非常努力，他還透露電影公司都好好，由伙食到梳頭化妝，台前幕後的每一個崗位都好專業：「因為一場戲五、六分鐘，佢哋都一take過，唔使NG。」相信何遠東通過今次的拍攝，一定會有不少的收穫。

是金子總會發光，每個人其實都在默默為自己的夢想努力

今年是何遠東出道第十年，在這十年中何遠東做過好多小角色，有些甚至不為人熟悉，但他都認真對待。十年磨一劍，當中的辛酸可能只有何遠東自己才知道，不過努力不是白費，今年在劉嘉玲、任達華等主演的賀歲電影《我的情敵女婿》中亦可以見到何遠東的身影，這次有機會和劉青雲做對手戲，他都好感觸：「《新不了情》上映時，我只是憑票入場。到今天，能夠和你一起拍攝，我感到好夢幻。我一直相信，積分要一點一點的累積，儲夠分數就可以攞禮物。今次，我換到一張好好的入場券。我會繼續儲分，繼續努力。」這份「禮物」得來不易，相信何遠東的表現不會令大家失望，而他身邊的一眾好友包括黃心穎、胡鴻鈞等都紛紛留言恭喜他，一班fans都看好他、支持他：「you deserved！」有時，不是因為你不努力，而是太心急，最緊要的就是堅持自己，不忘初心，有實力的人永遠不嫌晚。