仔仔食月餅盒盒都開勁百厭　陳慧琳：佢每樣咬啲又每樣食啲

中秋節臨近，大家除了關心中秋節放假做乜之外，最關心的莫過是自己買不買到心儀的月餅過節。不過要說到月餅的話，大家除了記得各種各樣口味之口味，最能令大家留下深刻印象的就一定是月餅的代言人。

陳慧琳其實已連續多年成為代言人，今日她出席月餅宣傳活動時接受《香港01》訪問，她表示家中小朋友收到代言月餅的時候最「百厭」。「因為7，8月就會有月餅，尤其係啲新口味全屋都係，所以佢哋開心㗎，知道又放假啦。同埋一有呢啲月餅佢哋就唔理㗎啦，盒盒都開，每樣咬啲又每樣食啲，所以今年呢，我就唯一將貓山王月餅收埋喺雪櫃。我覺得係要中秋節當日一家分享就最好。」

陳慧琳食月餅花式多

其實每年香港人都消耗非常多月餅，而更有部份月餅未被享用而遭浪費。問到身為月餅代言人的陳慧琳，可以如何解決食剩的月餅時，她就給出了一個甚有創意的答題。
問題一：「榴槤月餅食唔晒點算？」陳慧琳回答：「榴槤吖？！食唔晒好大獲喎。（煮？）唔會啦。唔係喎，榴槤月餅可以同啲雪糕攪埋一齊食。」問題二：「如果係傳統月餅呢？」陳慧琳：「可以用嚟做壽包，搵個包包住個月餅，幾驚喜吖，又啱我。因為我9月生日，跟住又中秋節，一咬個壽包原來就係月餅，呢個生日一定好難忘。」