擲千萬「升呢」做老闆獲家燕姐撐場 羅霖心痛：唔想佢舟車勞頓！
撰文：吳子生
出版：更新：
53歲涷齡美魔女羅霖（Candy）最近與美容集團合作做生意，醫學美容院尖沙咀新店今日（15/9）開張，得到各方好友到場支持，薛家燕神秘到賀，令Candy大為感動：「估唔到家燕姐會嚟好感動，因為我知道佢早前拍攝節目，要採排跳舞整傷咗，叫佢唔好嚟，應該喺屋企休息下，唔想佢舟車勞頓，真喺好多謝佢咁支持我。」
Candy表示暫時美容院做好香港市場先，期望可以進軍內地市場（黃國立攝）
開醫學美容的計劃，羅霖表示其實自己一直想了很久，不過講到坐言起行，反而是「一時衝動」── 與生意拍檔商討，前後只花了10日時間籌備。「由簽約拍廣告加開張，呢十日時間真喺好忙，好多謝啲朋友咁支持我，一通知佢哋，就即刻支持，通常要一個月前通知佢哋，但今次用咁10日時間，就有咁多嘉賓到場，好多謝佢哋咁錫我。」
醫學美容院尖沙咀新店，總投資額1000萬。（黃國立攝）
過往拍攝美容廣告前，需要一個月事前準備做運動，調節飲食，以最佳狀態拍攝，羅霖今次有點不同：「時間上我真喺冇任何準備，因為較早前做過手術，所以比較瘦，但拍攝出嚟效果好好，腰圍依家都仲有23吋，不過遲啲身體覆完之後，我又要再操番，哈哈。」