羅天宇昨日（25日）代表台慶劇《跳躍生命線》出席TVB「戲劇最強 好戲連場」記者會，首次在台慶劇擔當重要角色，天宇指自己都有做足功課，事先參考了很多急救書和劇集去了解救護員的工作。他指救護員對體能非常嚴格，為了角色每天勤力健身減去20磅：「因為我個角色係對自己好有要求嘅人，所以都希望藉此話畀人聽，自己係唔同咗！」

天宇表示在《愛回家》給觀眾留下深刻印象，希望今次能透過《跳躍生命線》打破自己過往可愛年輕小子形象。被問到之後會否也想飾演一些需要操大隻的角色，天宇直言想拍《烈火雄心》：「我哋拍救護員嗰個場地其實係對住個消防局，成日都見到啲消防員好有型、好大隻、高高大大咁樣，希望將來可以喺《烈火雄心》試吓消防員嘅角色。」

天宇在劇中與陳瀅（Jeannie）飾演一對情侶，被問到在劇中有沒有親密鏡頭，他大賣關子：「親密啊？唔可以劇透，但係都有少少嘅。」他亦大讚Jeannie是一個很獨立、聰明、事業心很強的女生。對於早前有報道指Jeannie介入他和湯洛雯的戀情，他也表示很無奈：「隔咗都半年啦，又攞返同一樣嘢嚟講，我哋真係幾friend，圍內都有班friend會出去食飯睇戲，但係情侶就唔係。」他表示現階段希望將重心放在工作上：「都30歲啦，係時候努力。」