吳浩康靠煮減肥餐冧掂崔碧珈？　二人超有默契齊否認

去年５月回復單身嘅吳浩康，近日有指佢已經蜜運成功，而對象係30歲嘅崔碧珈（Anita），雖然只係短短拍拖數月，但就已經發展至半同居。由於二人從未合作過，所以到底係如何搭上呢？有指崔碧珈向來以生酮飲食法（Ketogenic Diet）減肥，「生酮飲食法」是一種低碳水化合物及高脂肪的飲食方式，吳浩康為了崔碧珈，努力鑽研食物配搭及煮食方法，成功奪得歡心，而崔碧珈日前亦在IG貼文表示:「如果另一半識煮嘢食，會唔會加分呢？」
 

此外，有指近年專注在歐洲發展電影事業的崔碧珈，每次返香港都會到男友屋企過夜，而3月初吳浩康任歌唱比賽嘉賓時，崔碧珈在IG Story留言表示:「這是我最欣賞的歌手/演員，他很有才華也很努力，大家跟我一起要支持他，香港需要這樣的人。」撐男友撐到出面。

之不過，唔知係未怕影響事業，所以二人對於戀情都一致否認，並指自己係單身，而吳浩康仲話自己年紀唔細，要有事業先有將來。