黃美棋榮升老闆推「波濤洶湧鮮奶茶」 男友鍾健威身兼多職力撐
撰文：洪曉璇
出版：更新：
由細個做童星飾演小芬女，到讀完書重投娛樂圈變美棋BB，黃美棋襯住踏入30歲之前宣布喜訊，不過就唔係結婚做人妻，而係投資六位數做老闆﹗呢日佢嘅台式餐廳開幕，大批好友包括Bob林盛斌、蝦頭楊詩敏、泰臣翟凱泰、黃建東、劉明軒等紛紛撐場。男友鍾健威雖然無份投資，但開幕活動上做主持又幫手招呼來賓，仲做埋打雜，無限量支持女友﹗
女友做老闆，鍾健威自稱part time員工撐到盡，做完mc又一齊做訪問，仲幫手招呼客人。
美棋接受訪問時話呢次做老闆算係夢想成真，而且父母仲比佢自己更興奮：「媽媽係廚藝高手，有佢遺傳我都唔差啊哈哈﹗多謝爸爸媽媽咁支持我實現兒時夢想。」呢次孖住五位美國讀書時認識嘅朋友一齊投資，佢地都有唔同分工，美棋主力負責宣傳，亦喺餐牌加入搞鬼元素：「譬如乘風破浪鹽酥雞、波濤洶湧鮮奶茶、一躍龍門胡椒蝦、長江後浪煎蠔餅、狂風浪蝶蠔仔酥，仲有浪花一朵朵，即是炒豬耳，全部都係自己嘔心瀝血諗出來。」
美棋首次做老闆，Bob、蝦頭、泰臣等紛紛親自到賀。
+2