【開心速遞】周嘉洛搽勻吳偉豪全身油 連腳趾都唔放過勁HeHe

撰文:鄺鈺瑩
出版:更新:
吳偉豪雖然喺劇中騷肌次數不少,但佢話呢場搽油都有少少尷尬。(TVB《愛.回家之開心速遞》畫面)

吳偉豪(Ricco)憑處境劇《愛.回家之開心速遞》「朱凌凌」一角成功入屋,年僅21歲嘅佢有青春又有肌肉,自從入組《開心速遞》後,先與周嘉洛HeHe再與楊秀惠水中調情,男又得,女又得,最重要係不時都有肌睇,而尺度仲愈來愈大。

又真係操得幾Fit。(Instagram/@riccong)

就好似前晚(24/9)一集,因朱展(陳嘉輝飾)一句「大肚婆」而得罪熊尚善(滕麗名飾),令朱凌凌被安排喺《曹總傳》需要裸露演出,負責搽油嘅周嘉洛仲邊搽邊話「養兵千日,露在一時」,由上身摸到腳趾,連佢自己都話雖然成日對住周嘉洛,但都好尷尬!其實吳偉豪去年喺劇中曾經因為演人體素描模特兒,而喺一個月內由瘦削男變成大隻肌肉男,拍攝完之後,佢亦有繼續操練,並不時在IG上載健身照片。既然有副好Body,真係露得唔好嘥。

既可以同周家洛搽油,又可以與楊秀惠水戰,吳偉豪嘅戲路好廣。(TVB《愛.回家之開心速遞》畫面)
+12