陳山聰與太太走過六年拉埋天窗：初初識時印象最深刻

陳山聰周五（1日）與拍拖五年的圈外女友何麗萍（Apple）舉行婚禮，他表示心情既緊張，也開心。昨晚還特意去了剪頭髮：「我自己要扮下靚，又有好多瑣碎嘢要處理，然後夜晚就上頭。」今天早上又六時起床去跑步：「想去一去水，等自己塊面瘦啲。」

陳山聰婚禮從簡，早上亦省卻了接新娘的儀式：「因為我哋已經好攰喇，太太都想簡單啲，所以喺房到簽紙斟茶。」陳山聰又表示在結婚證書上看到自己的名字時，忽然有種感動的感覺。談到渡蜜月的時間，山聰就說接下來都要工作：「我哋都計劃明年去，因為太太想去熱啲嘅地方，所以嚟近係冬天都唔去住。」在生小朋友方面，山聰就說：「隨緣，希望上天會賜個俾我哋。我就鍾意囡多啲，因為近排都湊住姨生女，黏住我就好貼心，但嚟到嘅話仔女都鍾意㗎喇。」陳山聰又談到憶起與太太談戀愛的甜蜜時光：「相識到而家走過六年嘅時間，印象最深刻都係初初識嘅時候，仲記得我哋食飯時，我問太太：『你真係願意同我一齊？』太太答：『我願意！有咩問題？』」