洪永城po北韓軍官合照傷網友心 黃翠如：U r super bad
撰文：鄺鈺瑩
出版：更新：
女士們心目中嘅北韓軍官是咁的。（劇照）
《愛的迫降》令全城女士們又再陷入戀愛之中，皆因玄彬飾演嘅北韓軍官利正赫溫柔又體貼，重要係勁靚仔。劇集播畢，唔少觀眾都對北韓產生極大嘅好奇心，到底北韓軍官係未真如利正赫咁靚仔呢？
現實其實都唔係咁差啫！(IG:guruhung)
洪永城日前在IG上載一張佢早年拍《在那遙遠的地方北韓》嘅舊照，並發文表示：「毒，我就無中，不過的確開始睇咗幾集愛的迫降，我知你知北韓嘅玄彬應該係咁嘅樣，因為我接觸過。而且如果要睇南北韓邊界嘅故仔，我推薦可以睇JSA安全地帶，故事寫實、透過一件又一件細微嘅事，去描述相隔一條警戒線天與地嘅分別，而個故事仲可以做到係推理，抵佢咁好睇。」
都係睇返《愛的迫降》啦。(IG:guruhung )
同洪永城合照呢位軍官黑黑實實兼且有少少老，同靚仔兩個大纜都扯唔埋……活生生地將事實展現出來，連好友黃翠如都忍唔住留言表示：「U r super bad」，而李綺雯亦有留言：「我知啦，你一定搵個最唔靚仔嘅影，然後襯出你自己靚仔呀嘛，一定係咁」最好笑有網友表示：「呢位北韓軍官，年青時係玄彬咁嘅樣唔通又要話你知咩。」