章志文（Albert）今日（10/6）現身將軍澳電視城出席《女人必學100道菜》宣傳活動。提到昔日主持《都市閒情》時日日爆騷，相比現時主持《流行都市》收入不及以往。Albert感恩話：「其實出面宜家嘅工作真係減少咗好多，但我依然喺Tvb度有節目可以俾我主持，我真係好多謝Tvb。」

（有冇做下兼職補家計？）Albert表示：「其實自己都有做下網購嘅生意，賣下時裝及太陽眼鏡，同時又搞下啲新嘗試，搞下啲熟食食品，希望可以多方面發展，宜家都係努力緊，希望到時大家能夠認識到我嘅品牌。」（重投劇組拍劇，演大反派有冇包袱？）Albert表示：「其實自己都有諗過，如果做一啲大反派壞人角色，會唔會影響做主持嘅形象呢？其實係有包袱，始終自己係一位Daddy嘅形象，如果突然之間變咗咁嘅形象，都會諗會唔會嚇親啲小朋友，不過自己始終都要嘗試放低呢個包袱先得。」