【地產仔】岑珈其演要角　親解老是常出現原因：唔敢話自己上緊位

ViuTV新劇《地產仔》將在下周一（29日）起晚上九時半播出，岑珈其是次在劇中飾演一名圍村仔，跟着鄧少（張文傑飾）加入地產行業，是個帶動氣氛的角色；珈其談到自己與角色個性相似：「我自己都鍾意講嘢、鍾意玩，今次成個拍攝過程都好開心，導演畀好多空間我哋去創作。」所以在拍攝的時候也有很多即興的表演：「導演見到我哋玩又會叫我哋加入去，好多嘢其實係劇本冇嘅。」

ViuTV很多部重磅劇集都能看到岑珈其的蹤影，例如：《教束》、《二月廿九》、《歎息橋》，他就說很珍惜每一個機會：「每一個角色、劇本都有佢嘅獨特之處！」作為演員他亦覺得應具備更多可塑性。至於近來開始演主要角色，亦有更多觀眾認得自己，他就說：「唔敢話自己上緊位，開心嘅係起碼多咗演出機會，呢啲始終冇得強求，無論主角、配角、客串我都會盡力做好，我都唔會局限自己淨係做主角。」他又不介意接拍學生作品及短片：「你永遠唔會知個作品會行到幾遠。」