岑杏賢公開患甲狀腺亢進症經歷 鼓勵同路人:要勇敢堅強
撰文:洪曉璇
出版:更新:
岑杏賢早前透露自己患有甲狀腺亢進症,接受《香港01》訪問時指入行後曾復發,工作時手震眼突頸粗頭暈,更指「曾經有報道話我唔休做暴肥、有麒麟臂,自己都無怪出面咁睇,不過當時我選擇唔公開患病。」呢日佢喺IG寫下長文,表示訪問出制後收到好多支持同意見:「希望自己嘅分享,鼓勵正在經歷甲亢或經歷甲亢嘅同路人,要勇敢同堅強,因為保持情緒健康同穩定好有幫助!」
大約2015年岑杏賢面對甲狀腺亢進症復發,幕前工作嘅佢面對暴肥及其他病徵,佢喺訪問中分享自己睇醫生同自然療法嘅經驗,希望幫到同路人:「我根據個人經歷分享,有人同意亦有人對精油有強烈睇法,基於我自己的確有用。除此以外我又有飲大量暖檸檬水,對海藻同咖啡因攝取量非常嚴格,仲有堅持帶氧運動。」
Jennifer知道甲狀腺亢進症除非做手術如果唔係基本上無斷尾,佢亦喺訪問中表示「依家我學會樂觀面對一切,要接受佢係我生命嘅一部分。」:「我想分享同鼓勵正在經歷甲亢或經歷甲亢嘅同路人,要勇敢同堅強,因為保持情緒健康同穩定好有幫助!依家我嘅生活重回正軌,病情穩定唔使再食藥,但即使有一日我再度病發,都會覺得自己並不弧單。#YouAreNotAlone #YouOnlyGetsBetter」
+14