去年10月1 日向佐同郭碧婷囡囡於台灣出世，向太陳嵐榮升嫲嫲，跟向生早早到台灣共享天倫樂，並於北京、台北各購入一間價值1.6億港元嘅豪宅，送畀阿仔一家三口，早前向太已在微博分享台北信義區豪宅貴氣裝潢﹗但原來該屋業主並非郭碧婷或向佐。

台北信義區係當地豪宅地段，向太購入嘅呢間係台北TOP 3知名豪宅琢白，低密度設計30層只有43戶，私隱度十足，亦係信義區唯一設計頂樓泳池兼可欣賞101嘅豪宅。睇番向太分享嘅照片，目測近萬呎相信係高層一梯一伙，全落地玻璃景觀開揚，單係飯廳已經大過好多香港人屋企，巨型正方飯檯可以坐12個人，水晶吊燈華麗十足﹗據知1月27日正式過戶生效，但業主名係向華強名下香港公司「中國星投資有限公司」，並非外傳係生B禮物送畀兒媳。

點擊睇向太呢間台北豪宅：