鄭杞瑤（Kylie）近期人氣急升，除了做運動節目主持外，最近更參加了ViuTV真人騷節目《足球女將》，不再是「得把口」而是認真落場踢波！今日（08/3）節目舉行記者會，一眾參加的美少女都有出席。鄭杞瑤（Kylie）接受《香港01》訪問時，直言身材不是負擔，反而是一個其他參加者所不具備的優勢！

港女經常被男友投訴「唔知咩係越位」，但對於鄭杞瑤（Kylie）卻是再熟悉不過的事。她自言在英國讀書多年，體內流着「足球的血」，所以不懂越位為何是一件令人憤怒的事：「所以今次我哋24個女仔就話畀大家聽，我哋唔止識講波，仲識踢波。」

問到在足球隊中，鄭杞瑤擔任什麼位置時，她就表示要賣個關子：「我只可以講，今次我有個意想不到嘅技能，我踢嗰個位喺速度上面有優勢。（身材的負重對速度和平衡上有沒有影響？）我覺得，其實『佢』冇阻礙我。大家睇節目就知，其實呢個負重對我嚟講，係一個驚喜，原來我有呢個負重都可以咁有速度同有優勢。我唔話畀大家聽我踢咩位，但係我個身形對比起其他嬌小嘅女仔，一定係更硬淨。」