林峯於紅館舉行的一連七場《GO WITH THE FLOW 林峯演唱會》正式開鑼，開騷前曾表示會積極操肌的林峯，在台上大騷成果，全晚不時露麒麟臂及背肌，唱《Let't Get Wet》時更抱起周秀娜轉圈。

有份捧場的素海霖完騷後十分興奮，狂讚好靚仔，又稱林峯做「老公」，難得迷妹上身。「其實我好多歌都唔識，啲人跟住佢唱，我就一直望住佢個樣同身材，好正。（會唔會覺得露得太少？）係，佢都操弗咗，點解唔露？呢個爭啲，又無人叫佢除衫。」素海霖自言十分慳家，林峯是少數令她願意真金白銀賣飛入場的一位 ，她又表示林峯令她有「入到後台」的動力。「我咁努力做嘢都係想追星，如果見到佢⋯⋯應該塊面會紅晒，唔敢講嘢，會想攬佢，但佢有老婆，應該唔得。」