楊明和女友莊思明今日（07/6）出席黎燕珊（珊姐）大女兒的婚宴，他們接受《香港01》訪問時表示，珊姐與他們感情十分好。莊思明：「佢成日照顧我哋，係一位對我哋好好嘅前輩，又會煮飯畀我哋食，好錫我哋。」楊明也表示，早在半年前已收到出席婚宴的邀請。

講起兩人的婚期，楊明：「都係嗰句，由佢講。」莊思明說：「2046年。」楊明：「都係嗰句，時間未知，但係我會盡快，會努力去多啲婚宴。我自己憑空想像，都知有好多嘢要搞嘅。」莊思明又笑言：「等大家可以免費上月球先啦。呢啲催都催唔嚟，我哋又好少講呢啲話題，跟住我哋又好hea咁答。」

早前莊思明表示股票「坐艇」：「我諗呢個市道好多人都經歷緊。再接再厲，我當交學費，而家努力啲學識唔好亂咁嚟，憑感覺，唔好憑直覺衝入去。我知我好坐得嘅，之前坐成8年，所以唔驚嘅。（散紙啫）就係唔多，所以同冇晒冇乜分別。」她透露，大概有6位數字。